అజిత్ డోవల్’ రహస్య పర్యటన

త్వరలో కీలక నేత అరెస్టు అంటూ ప్రచారం

1
TMedia (Telugu News) :

అజిత్ డోవల్’ రహస్య పర్యటన..!

-త్వరలో కీలక నేత అరెస్టు అంటూ ప్రచారం

– దూకుడు పెంచిన దర్యాప్తు సంస్థలు

టీ మీడియా, డిసెంబర్ 5,హైదరాబాద్‌ : లోతెలంగాణ రాజకీయాలు గతంలో ఎన్నడూ లేని విధంగా.. దర్యాప్తు సంస్థల చుట్టూ తిరుగుతున్నాయి. టీఆర్ఎస్ వర్సెస్ బీజేపీ పోరు.. దర్యాప్తు సంస్థల మధ్య ఫైట్‌గా మారిందనే వ్యాఖ్యానాలు వినిపిస్తున్నాయి. ముఖ్యంగా.. ఢిల్లీ లిక్కర్ స్కాం, ఎమ్మెల్యేల కొనుగోలు అంశం తెలంగాణ రాజకీయాలను కుదిపేస్తోంది. ఈ రెండు కేసుల్లో అటు టీఆర్ఎస్, ఇటు బీజేపీకి సంబంధించిన కీలక నేతల అరెస్టులు ఖాయం అంటూ.. జోరుగా ప్రచారం జరుగుతోంది. ఇలాంటి సందర్భంలో.. కీలక విషయం వెలుగులోకి వచ్చింది. దీంతో ‘కీలక’ నేత అరెస్టు ఖాయం అనే ప్రచారం ఊపందుకుంది.జాతీయ భద్రతా సలహాదారు అజిత్ డోవల్ రహస్య కార్యకలాపాలు నిర్వహించడంలో దిట్ట. అలాంటి వ్యక్తి ఎవ్వరికీ తెలియకుండా 3 రోజుల కిందట హైదరాబాద్‌కు వచ్చారని తెలుస్తోంది. రాష్ట్ర పోలీసులకు, ఇంటెలిజెన్స్‌ అధికారులకు సమాచారం ఇవ్వకుండానే.. హైదరాబాద్‌లో రహస్య పర్యటన చేసినట్లు సమాచారం. అజిత్ డోవల్ ఎలాంటి భద్రత లేకుండా.. ప్రత్యేక విమానంలో హైదరాబాద్‌కు వచ్చారని.. సాధారణ పౌరుడిలా చిన్న కారులో ప్రయాణించారని.. కొందరు ముఖ్య వ్యక్తులను కలిశారని విశ్వసనీయ వర్గాల తెలిసింది. దాదాపు మూడు గంటలపాటు హైదరాబాద్‌లోనే ఉండి.. మళ్లీ ప్రత్యేక విమానంలో ఢిల్లీకి బయల్దేరి వెళ్లారు.

Also Read : సాగర తీరంలో.. అబ్బురపరిచే సాహస విన్యాసాలు

అయితే.. జాతీయ భద్రతా సలహాదారు డోవల్ హైదరాబాద్‌ ఎందుకు వచ్చారు? ఆయన టూర్ రహస్యంగా ఉండటానికి కారణం ఏంటి? ఎవరిని కలిశారు? ఏ మిషన్ కింద హైదరాబాద్ వచ్చారు? ఈ ప్రశ్నలు ఇప్పుడు తెలంగాణలో చర్చనీయాంంశం అయ్యాయి. అటు.. తెలంగాణలో అధికార పార్టీకి చెందిన కీలక నేత అరెస్టు ఖాయం అని కొన్నాళ్లుగా ప్రచారం జరుగుతోంది. ఢిల్లీ లిక్కర్ స్కాంలో ఆ నేతను అరెస్టు చేయొచ్చు అనే వార్తలు వచ్చాయి. ఈ సమయంలో.. డోవల్ హైదరాబాద్‌ పర్యటన కీలకంగా మారింది. సదరు నేతను అరెస్టు చేస్తే.. ఏమైనా శాంతిభద్రతల సమస్యలు వస్తాయా అనే అంశంపై ఆరా తీయడానికే డోవల్ సీక్రెట్‌గా హైదరాబాద్ వచ్చారని తెలుస్తోంది.అంతేకాకుండా.. ఇటీవల, హైదరాబాద్‌తో పాటు తెలంగాణలోని అనేక జిల్లాల్లో కొంతమంది పాపులర్ ఫ్రంట్ ఆఫ్ ఇండియా (పిఎఫ్‌ఐ) కార్యకర్తలను అరెస్టు చేశారు. దీంతోపాటు తెలంగాణలో కేంద్ర దర్యాప్తు సంస్థల కార్యకలాపాలు ఒక్కసారిగా పెరిగాయి. ఈ అంశాలపైనా డోవల్ స్టడీ చేసినట్టు సమాచారం. భారతదేశ అంతర్గత భద్రత కోసం.. డోవల్ అనేక కీలక కార్యకలాపాలు నిర్వహించారు. పొరుగున ఉన్న పాకిస్థాన్‌లో చాలా కాలంగా బిచ్చగాడిలా వేషాలు వేసుకుని.. రహస్యంగా గూఢచర్యం చేస్తూ భారత్‌కు కీలక సమాచారం అందించారు. అమృత్‌సర్‌లోని గోల్డెన్ టెంపుల్‌లోకి ఉగ్రవాదులు చొరబడినప్పుడు కూడా.. బ్లాక్ థండర్-II ఆపరేషన్ సమయంలో రిక్షా పుల్లర్‌గా మారువేషంలో వెళ్లి.. పరిస్థితిని భద్రతా అధికారులకు తెలియజేశారు డోవల్.

for telugu news live alerts like, follow and subscribe TMedia on FacebookTwitterYouTube