ఆస్ట్రేలియాలో హిందూ దేవాలయంపై దాడి.. ప్రహరీ గోడ ధ్వంసం
ఆస్ట్రేలియాలో హిందూ దేవాలయంపై దాడి.. ప్రహరీ గోడ ధ్వంసం
ఆస్ట్రేలియాలో హిందూ దేవాలయంపై దాడి.. ప్రహరీ గోడ ధ్వంసం
లహరి, మార్చి 4, ఆస్ట్రేలియా : ఆస్ట్రేలియా లో గత కొద్ది రోజులుగా హిందూ దేవాలయాలపై దాడులు కొనసాగుతున్నాయి. శనివారం మరో దేవాలయంపై దుండుగులు దాడి చేశారు. దక్షిణ బ్రిస్బేన్‌లో ఉన్న బర్‌బాంక్‌ సబర్బ్‌లో గల శ్రీ లక్ష్మీ నారాయణ దేవాలయం గోడను గుర్తుతెలియని వ్యక్తులు ధ్వంసం చేశారు. ఆస్ట్రేలియా టుడే తెలిపిన వివరాల ప్రకారం.. శనివారం తెల్లవారుజామున ఈ ఘటన చోటు చేసుకుంది. ఆలయానికి వచ్చిన కొందరు భక్తులు ఈ విధ్వంసాన్ని గుర్తించి ఆలయ పూజారికి సమాచారం ఇచ్చారు. ఖలిస్థాన్‌ అనుకూల వాదులే ఈ దాడికి పాల్పడినట్లు ఆస్ట్రేలియా టుడే ఆరోపించింది. కాగా, ఈ ఘటనపై ఆలయ అధ్యక్షుడు సాతిందర్‌ శుక్లా మాట్లాడుతూ.. ఆలయ పూజారి , భక్తులు ఉదయం తనకు ఫోన్‌ చేసి దాడి గురించి చెప్పినట్టు పేర్కొన్నారు. ఘటనపై పోలీసులు దర్యాప్తు చేపట్టినట్లు చెప్పారు. దర్యాప్తు అనంతరం పూర్తి వివరాలు వెల్లడిస్తామన్నారు.
Also Read : ఆర్థిక సమస్యలతో సతమతమవుతున్నారా
కాగా, గత రెండు నెలల్లోనే ఆస్ట్రేలియాలో హిందూ దేవాలయాల పై దాడి జరగడం ఇది నాలుగోసారి. గతంలో బ్రిస్బేన్‌ లోని మరో హిందూ దేవాలయం గాయత్రీ మందిర్‌ పై దాడి చేస్తామంటూ పాకిస్థాన్‌ లోని లాహోర్‌ కు చెందిన ఖలిస్థాన్‌ తీవ్రవాదుల నుంచి బెదిరింపు కాల్స్‌ వచ్చినట్లు ఆస్ట్రేలియా టుడే తెలిపింది. ఆస్ట్రేలియాలోని హిందువులను భయపెట్టేందుకే ఇలాంటి దాడులు జరుగుతున్నాయని హిందూ హ్యూమన్ రైట్స్ డైరెక్టర్ సారా ఎల్ గేట్స్ ఆరోపించారు.
for telugu news live alerts like, follow and subscribe TMedia on Facebook । Twitter । YouTube