ఎంపీ ఇంట్లో విషాదం నింపిన కేబుల్‌ బ్రిడ్జి ప్రమాదం

ఎంపీ ఇంట్లో విషాదం నింపిన కేబుల్‌ బ్రిడ్జి ప్రమాదం

2
TMedia (Telugu News) :

ఎంపీ ఇంట్లో విషాదం నింపిన కేబుల్‌ బ్రిడ్జి ప్రమాదం

టీ మీడియా, అక్టోబర్ 31, అహ్మదాబాద్‌: గుజరాత్‌లోని మోర్బి జిల్లాలో జరిగిన కేబుల్‌ బ్రిడ్జి ప్రమాదం రాజ్‌కోట్‌ ఎంపీ ఇంట్లో విషాదాన్ని నింపింది. ఈ ప్రమాదంలో రాజ్‌కోట్‌ బీజేపీ ఎంపీ అయిన మోహన్‌భాయ్‌ కళ్యాణ్‌జీ కుందరియా కుటుంబానికి చెందిన 12 మంది మృతిచెందారు. వారంతా తన సోదరి కుటుంబానికి చెందినవారని కుందరియా చెప్పారు. మృతుల్లో ఐదుగురు చిన్నారులు కూడా ఉన్నారన్నారు. మచ్చునదిపై ఉన్న కేబుల్‌ బ్రిడ్జి ఆదివారం సాయంత్రం కుప్పకూలిన విషయం తెలిసిందే. ఇప్పటివరకు 132 మంది మరణించగా, 117 మంది సురక్షితంగా బయటపడ్డారు. మరో 19 మంది గాయపడ్డారు. మిగిలినవారికోసం గాలింపు చర్యలు కొనసాగుతున్నాయి. గల్లంతైనవారికోసం ఎన్డీఆర్‌ఎఫ్‌, ఎస్డీఆర్‌ఎఫ్‌, స్థానిక సిబ్బంది రెస్యూ ఆపరేషన్‌లో పాల్గొంటున్నారని ఎంపీ చెప్పారు.

Also Read : ఇంటెలిజెన్స్ బ్యూరోలో 1671 ఉద్యోగాలు

మచ్చు నదిలో మునిగిపోయినవారి మృతదేహాలను వెలికితీసేందుకు చర్యలు కొనసాగుతున్నాయని తెలిపారు. గాలింపు చర్యలు కొనసాగుతున్నాయని, ఆర్మీ, నేవీ, ఎయిర్‌ఫోర్స్‌, ఎన్డీఆర్‌ఎఫ్‌, అగ్నిమాపక బృందాలు సహాయక చర్యల్లో పలుపంచుకుంటున్నారని చెప్పారు. ప్రమాదం జరిగిన సమయంలో వంతెనపై దాదాపు 500 మందికిపైగా ఉన్నట్లు పోలీసులు తెలిపారు.

for telugu news live alerts like, follow and subscribe TMedia on FacebookTwitterYouTube