ఎమ్మెల్సీ అనంతబాబుకు కండిషన్ బెయిల్

ఎమ్మెల్సీ అనంతబాబుకు కండిషన్ బెయిల్

2
TMedia (Telugu News) :

ఎమ్మెల్సీ అనంతబాబుకు కండిషన్ బెయిల్

టీ మీడియా, డిసెంబర్ 12, న్యూఢిల్లీ :ఎమ్మెల్సీ అనంతబాబు కు బెయిల్ వచ్చింది. సుప్రీం కోర్టు ఆయనకు షరతులతో కూడిన బెయిల్ మంజూరు చేసింది. అనంతబాబు మే నెలాఖరు నుంచి రాజమండ్రి జైల్లో ఉన్నారు. గతంలో పలుసార్లు రాజమండ్రి కోర్టు, హైకోర్టుల్లో బెయిల్ పిటిషన్ దాఖలు చేసినా తిరస్కరణ ఎదురైంది. దీంతో అనంతబాబు సుప్రీంకోర్టును ఆశ్రయించగా.. బెయిల్ మంజూరైంది. బెయిల్‌ నిబంధనలను ట్రయల్‌ కోర్టు నిర్దేశిస్తుందని సుప్రీం తెలిపింది. తన బెయిల్‌ పిటిషన్‌ను హైకోర్టు కొట్టివేయడాన్ని సవాల్‌ చేస్తూ అనంతబాబు సుప్రీంకోర్టును ఆశ్రయించిన సంగతి తెలిసిందే.ఈ ఏడాది మే నెలలో ఎమ్మెల్సీ అనంతబాబు డ్రైవర్ సుబ్రహ్మణ్యం హత్య ఏపీలో కలకలంరేపింది. అన్ని సాక్ష్యాలను సేకరించిన తర్వాత.. హత్య, ఎస్సీ, ఎస్టీ అట్రాసిటీ కేసు నమోదు చేశారు. ఎమ్మెల్సీని పోలీసులు అరెస్ట్ చేసి రిమాండుకు పంపించారు. అప్పటి నుంచి రిమాండ్‌లో ఉన్నారు. అలాగే అనంతబాబును వైఎస్సార్‌సీపీ నుంచి సస్పెండ్ చేశారు. అనంతరం బెయిల్ పిటిషన్లు దాఖలు చేసినా సరే కోర్టులు తిరస్కరించాయి. అయితే ఆగస్టులో హైకోర్టుఅనంతబాబుకు కండిషన్ బెయిల్ మంజూరు చేసింది.

Also Read : సుప్రీంకోర్టు జడ్జిగా దీపాంకర్‌ దత్తా ప్రమాణం..

ఎమ్మెల్సీ అనంతబాబు తల్లి మరణించగా.. అంత్యక్రియల్లో పాల్గొనేందుకు రాజమండ్రి కోర్టు ష‌ర‌తుల‌తో కూడిన బెయిల్ ఇచ్చింది. అప్పుడు అంత్యక్రియల్లో పాల్గొన్న తర్వాత మళ్లీ జైలుకు వెళ్లారు.డ్రైవర్ సుబ్రహ్మణ్యం భార్యకు ప్రభుత్వం ఉద్యోగం ఇచ్చింది. జిల్లా వైద్య, ఆరోగ్యశాఖ కార్యాలయంలో అపర్ణకు జూనియర్‌ అసిస్టెంట్‌గా ఉద్యోగం ఇచ్చారు. కలెక్టర్‌ కృతికా శుక్లా నియామకపత్రాన్ని అందజేశారు. ఇదిలా ఉంటే అనంతబాబుకు బెయిల్ ఇవ్వొద్దని డ్రైవర్ సుబ్రహ్మణ్యం కుటుంబం కూడా కోరుతోంది. చివరికి సుప్రీం కోర్టు అనంతబాబుకు బెయిల్ మంజూరు చేసింది. దాదాపు 7 నెలల తర్వాత ఎమ్మెల్సీ జైలు నుంచి విడుదలకానున్నారు.

for telugu news live alerts like, follow and subscribe TMedia on FacebookTwitterYouTube