ఆరు నెలల పరిచయంతో రూ.60 లక్షలు కొట్టేశాడు

తక్కువ ధరకే బంగారం అంటూ టోకరా

2
TMedia (Telugu News) :

ఆరు నెలల పరిచయంతో రూ.60 లక్షలు కొట్టేశాడు
-తక్కువ ధరకే బంగారం అంటూ టోకరా

టీ మీడియా, సెప్టెంబరు 28, హైదరాబాద్‌ : ఘరానా మోసాలకు పాల్పడుతున్న ముఠా గుట్టురట్టు అయింది. ప్రజల దృష్టి మరల్చి చోరీలకు పాల్పడుతున్న గ్యాంగ్‌ను పోలీసులు అరెస్టు చేశారు. రాచకొండ సీపీ మహేశ్ భగవత్ తెలిపిన వివరాల ప్రకారం… సరూర్ నగర్‌కు చెందిన వెంకటేశ్వర్లు రియల్ ఎస్టేట్ వ్యాపారం చేస్తుంటాడు. వ్యాపారం కలిసొచ్చి బాగానే సంపాదించాడు. అతడికి ఆరు నెలల క్రితం రియల్ ఎస్టేట్‌ బ్రోకర్ మహేశ్‌తో పరిచయం ఏర్పడింది. వెంకటేశ్వర్లు వద్ద బాగా డబ్బుందని గుర్తించిన మహేశ్.. ఎలాగైనా కొట్టేయాలని నిర్ణయించుకున్నాడు. తనకు తెలిసిన వారి వద్ద చాలా బంగారం ఉందని తక్కువ ధరకే బంగారం ఇప్పిస్తానని నమ్మించాడు. కేజీ బంగారం రూ.40 లక్షల చొప్పున ఇప్పిస్తానని చెప్పాడు. అందుకు సంబంధించిన కొన్ని ఫోటోలను వాట్సాప్‌లో చూపించాడు. ఫోటోలు చూసిన వెంకటేశ్వర్లు నిజమని నమ్మాడు. అత్యాశకు పోయి కేజీన్నర బంగారం కొనేందుకు సిద్ధమయ్యాడు. పది రోజుల క్రితం రూ. 60 లక్షలు సిద్ధం చేసుకున్నాడు.

Also Read : రామ్‌కో సిమెంట్ కంపెనీని ప్రారంభించిన సీఎం జగన్

అమెజాన్ గ్రేట్ ఇండియన్ ఫెస్టివల్ సేల్‌లో స్మార్ట్ వాచీలు, హెడ్ ఫోన్స్, కంప్యూటర్ యాక్సిసరీలు ఇంకా మరెన్నో వాటిపై బ్లాక్ బస్టర్ డీల్స్ తొమ్మిది మందితో ముఠాగా ఏర్పడిన మహేశ్ ఇక రంగంలోకి దిగాడు. వెంటేశ్వర్లు వద్ద ఉన్న రూ.60 లక్షలు కొట్టేసేందుకు సినిఫక్కీలో మాస్టర్ ప్లాన్ వేశాడు. ఈనెల 20న తన మనుషులు మీ ఇంటికి వస్తారని బంగారం తీసుకొని నగదు వాళ్లకివ్వాలని మహేశ్ వెంకటేశ్వర్లుతో నమ్మబలికాడు. ముఠా సభ్యులంతా దిల్‌సుఖ్ నగర్ మెట్రో స్టేషన్ వద్దకు చేరుకొని ప్లాన్ గురించి చర్చించుకున్నారు. అనంతరం ముఠా సభ్యులైన కర్రి కనకరావు, ప్రసన్నలు సూట్‌కేసులతో బాధితుడి ఇంటికి వెళ్లారు. ముందుగా డబ్బిస్తే బంగారం ఇస్తామని వెంకటేశ్వర్లును నమ్మించారు. దీంతో ఆయన రూ. 60 లక్షలను వారి చేతికిచ్చాడు. డబ్బు కట్టలను కనకారావు, ప్రసన్నలు తమ వెంట తెచ్చుకున్న సూట్‌కేసుల్లో సర్దుకున్నారు. అనంతరం తమ ముఠా సభ్యులకు ఫోన్ చేసి బంగారం తీసుకురావాలిని చెబుతున్నట్లుగా నమ్మించారు.

Also Read : మంచిరెడ్డి దావూద్ ఇబ్రహీంను దాటిపోయాడు.

వెంకటేశ్వర్లును మాటల్లో పెట్టి డబ్బున్న సూట్‌కేసును మార్చేశారు. అరగంట దాటినా ఎవరూ రాకపోవటంతో.. ఏదో పొరపాటు జరిగనట్లుందని.., మా వాళ్లు బంగారం తీసుకొచ్చాకే డబ్బు ఇవ్వండంటూ సూట్‌కేసు తిరిగి ఇచ్చేశారు. వెంకటేశ్వర్లు దృష్టి మరల్చి తమ వెంట తెచ్చుకున్న బ్యాగులో రెండు కంపార్ట్ మెంట్లు ఉన్న విషయాన్ని గుర్తించకుండా జాగ్రత్తపడ్డారు. ఒకే రకైమన రెండు సూట్‌కేసులను తీసుకొచ్చి ఓ దాంట్లో కలర్ పేపర్లు ఉంచారు. పేపర్లు ఉంచిన సూట్‌కేసును వెంకటేశ్వర్లుకు ఇచ్చి బంగారం తీసుకొచ్చాకే డబ్బు తీసుకెళ్తామని నమ్మించి అక్కడి నుంచి మెల్లిగా జారుకున్నారు. వారు వెళ్లిన తర్వాత వెంకటేశ్వర్లు బ్యాగును తెరిచి చూడగా.. మెుత్తం పేపర్ బండిళ్లు ఉన్నాయి. మోసపోయానని గ్రహించిన బాధితుడు వెంటనే పోలీసులకు ఫిర్యాదు చేశాడు.

for telugu news live alerts like, follow and subscribe TMedia on FacebookTwitterYouTube