మోదీ ఎందుకీ కిరాతకం

-ప్రధాని టార్గెట్‌గా సభలో సీఎం కేసీఆర్

1
TMedia (Telugu News) :

మోదీ ఎందుకీ కిరాతకం

-అధికారం అడ్డుపెట్టుకుని అరాచకాలు
-ఎమ్మెల్యేలు తెలంగాణ, దేశ గౌరవాన్ని కాపాడారు

-సిగ్గులేకుండా మాట్లాడుతున్నారు

-ప్రధాని టార్గెట్‌గా సభలో సీఎం కేసీఆర్

టీ మీడియా,అక్టోబర్ 31,చండూరు : అనుకున్నదే జరిగింది. చండూరు సభలో ప్రధాని నరేంద్ర మోదీ టార్గెట్‌గా సంచలన కామెంట్స్ చేశారు తెలంగాణ ముఖ్యమంత్రి కేసీఆర్. అధికారం అడ్డుపెట్టుకుని అరాచకాలకు పాల్పడుతున్నారని ఫైర్ అయ్యారు. సభకు నలుగురు ఎమ్మెల్యేలను తీసుకువచ్చిన గులాబీ దళపతి కేసీఆర్.. ఎమ్మెల్యేల కొనుగోళ్ల వ్యవహారంపై ఫైర్ అయ్యారు. ‘నరేంద్ర మోదీ ఇంకా ఏం కావాలి నీకు. దేశంలో అత్యంత కీలకమైన పదవి ప్రధాని. ఆ పదవిలో ఉండి కూడా ఎందుకు ఈ కిరాతకం. ఎందుకు ఈ దుర్మార్గం. సమాజానికి ఏ రకంగా మంచిది. దేనికోసం చేస్తున్నారంత ఇదంతా. ప్రధాని కంటే మంచి పదవి ఉందా? నరేంద్ర మోదీ మద్ధతు లేకుండానే ఆర్ఎస్ఎస్ ప్రముఖులు హైదరాబాద్ వచ్చారా? చంచల్ గూడ జైల్లో శిక్ష అనుభవిస్తున్న ఆ నిందితులకు వందల కోట్లు ఎక్కడి నుంచి వచ్చాయి. ఈ అరాచకానికి కారణమైన వారు తమ పదవులకు తక్షణమే రాజీనామా చేయాలి.’ అని డిమాండ్ చేశారు సీఎం కేసీఆర్.

Also Read : గుజరాత్‌:లో ఘోర ప్రమాదం

ఈ నలుగురు ఎమ్మెల్యేలు … పైలట్ రోహిత్ రెడ్డి, గువ్వల బాలరాజు, హర్షవర్ధన్ రెడ్డి, రేగా కాంతారావు. ఇలాంటి రాజకీయ నాయకులు కదా మనకు కావాల్సింది. ఢిల్లీ బ్రోకర్లు తెలంగాణ ఆత్మగౌరవాన్ని కొందామని వచ్చారు. వందల కోట్ల రూపాయల అక్రమ ధనం తీసుకువచ్చి ప్రజా ప్రతినిధులను సంతలో పశువుల్లా కొని, ప్రభుత్వాలను కూలగొట్టే అరాచక వ్యవస్థను తీసుకువచ్చారు. వంద కోట్లు ఇస్తాం.. పార్టీని విడిచి రమ్మంటే వారిని ఎడమకాలితో చెప్పుతో కొట్టినంత పని చేశారు మన ఎమ్మెల్యేలు. మేం తెలంగాణ బిడ్డలం అని, తెలంగాణ ఆత్మగౌరవ బావుటాను హిమాలయాల అంత ఎత్తుకు ఎగురవేశారు. తెలంగాణ జాతి గౌరవాన్ని, దేశ గౌరవాన్ని కాపాడారు. దేశంలో చైతన్యం రానంత వరకు దుర్మార్గపు రాజకీయాలు కొనాసాగుతూనే ఉంటాయి. మాయమాటలు నమ్మితే మన బతుకులు ఇలాగే ఉంటాయి. ప్రజలు తమ ఓటు హక్కును వినియోగించుకునే ముందు చాలా జాగ్రత్తగా ఉండాలి.’ అని సీఎం కేసీఆర్ అన్నారు. మోదీ ఎందుకీ కిరాతకం


నరేంద్ర మోదీని అడుగుతున్నా నీకు ఇంకా. దేశంలో ప్రధాని పదవిని మించి పదవి ఇంకా లేదు కదా. ఒకసారి కాదు రెండుసార్లు అవకాశం వచ్చింది కదా? ఎందుకు ఈ కిరాతకం. ఎందుకీ అరాచకం. దేశం కోసం, సమాజానికి ఏ రకంగా మంచిదో ప్రజలకు సమాధానం చెప్పాలి. ఎందుకు ఇవన్నీ ప్రోత్సహిస్తున్నరు. మోదీ అండదండలు లేకుండానే ఆర్‌ఎస్‌ఎస్‌లో ప్రముఖ పాత్ర వహించే వ్యక్తులు హైదరాబాద్‌కు వచ్చి ఇప్పుడు చంచల్‌గూడ జైలులో ఉన్నరు. వాళ్లు ఆఫర్‌ చేసిన వందల కోట్ల రూపాయలు ఎక్కడి నుంచి వచ్చాయో విచారణ జరగాలి. దీని వెనుక ఎవరు ఉన్నరో వారు ఒక్క క్షణం కూడా పదవిలో ఉండడానికి అర్హులు కాదు. 75 సంవత్సరాల స్వతంత్ర భారతంలో ఇంత అరాచకం జరుగుతుంటే మనం మౌనంగా ఉందామా? ఆలోచించాలని కోరుతున్నా’ అని సీఎం కేసీఆర్‌ పిలుపునిచ్చారు. ఒళ్లు మ‌రిచి ఓటేస్తే.. ఇల్లు కాలిపోత‌ది.

Also Read : స్పందించిన మున్సిపల్ అధికారులు

ఓటు అనేది మ‌న త‌ల రాత రాసుకునే గొప్ప ఆయుధం. అది అల‌వోక‌గా వేస్తే, ఒళ్లు మ‌రిచి ఓటేస్తే.. ఇల్లు కాలిపోత‌ది. చాలా జాగ్ర‌త్త‌గా ఆలోచించి.. మంచి, చెడు ఆలోచించి వేయాలి. బ‌తుకులు, మునుగోడు బాగుప‌డుతాయి. తెలంగాణ‌, భార‌త‌దేశం కూడా బాగుప‌డ్త‌ది. ఎవ‌రో చెప్పార‌ని, మ‌ర్యాద చేశార‌ని, డ్యాన్స్ చేస్తే మంచిగ అనిపించింద‌ని ఓటేస్తే ప్ర‌మాదం వ‌స్త‌ది అని సీఎం కేసీఆర్ పేర్కొన్నారు.

 

for telugu news live alerts like, follow and subscribe TMedia on FacebookTwitterYouTube