లంకె బిందెలు దొరికితే అదృష్టమా… దురదృష్టమా

లంకె బిందెలు దొరికితే అదృష్టమా... దురదృష్టమా

1
TMedia (Telugu News) :

లంకె బిందెలు దొరికితే అదృష్టమా… దురదృష్టమా

లహరి, డిసెంబర్ 15, ప్రతినిధి : మనలో చాలా మంది లంకె బిందెల గురించి వినే ఉంటారు. ఇప్పటి తరం వారికి లంకె బిందెల గురించి తెలియకపోవచ్చు కానీ.. పాత తరం వారికి మాత్రం వీటి గురించి అనేక విషయాలు తెలుసు. ఈ బిందెలలో బంగారం, వజ్ర వైడ్యూరాలతో పాటు విలువైన వస్తువులన్నె ఉంటాయి. ఈ సందర్భంగా లంక బిందెల గురించి మనం నమ్మలేని వాస్తవాలేంటో ఇప్పుడు తెలుసుకుందాం…లంకె బిందెల పేరు చెప్పగానే కొందరి కళ్లలో వేయి బల్బుల వెలుగు కనిపిస్తుందనడంలో ఎలాంటి అతిశయోక్తి లేదు. ఎందుకంటే ఎవరికైనా ఇవి దొరికాయంటే చాలు వారికి సంపదకు కొరత అనేదే ఉండదు. లంకె బిందెల్లో దొరికే బంగారం, వెండి, వజ్ర వైడ్యూరాలు, హారాలు, నాణేలు ఇంకా ఎన్నింటినో చూసి మనం చూపు తిప్పుకోలేం. అందుకే కొందరు వీటి కోసం రకరకాల ప్రయత్నాలు చేస్తుంటారు. ఇంకా కొందరు ఇప్పటికీ ఏవేవో పూజలు చేసి మరీ లంకె బిందెల కోసం అన్వేషిస్తూ ఉంటారు. అయితే కొందరు ఏ మాత్రం కష్టపడకుండానే వారి ఇళ్లలో అద్భుతాలు జరిగి లంకె బిందెలు కనిపిస్తూ ఉంటాయి. అయితే ఇవి ఎవరికైతే దొరుకుతాయో వారికి అదృష్ట దేవత తలుపు తట్టినట్టే అని అందరూ చెబుతూ ఉంటారు.

 


ఒకప్పుడు లంకె బిందెలను ఎక్కువగా మట్టిలో పాతిపెట్టే వారు. వాటిని గుర్తు పట్టేందుకు వీలుగా ఏవైనా సంకేతాలను వదిలి వెళ్లేవారు. అయితే అవి మళ్లీ ఎప్పుడైనా తవ్వకాల్లో బయటపడుతూ ఉంటాయి. అయితే లంకె బిందెలు దొరికితే అందరూ అదృష్టమని భావిస్తారు.. కానీ కొందరేమో అవి దొరకడం వల్ల ప్రమాదం జరుగుతుందని.. అంతేకాదు కుటుంబంలో అరిష్టంగా భావిస్తూ ఉంటారు. అందుకు గల కారణాలేంటో ఇప్పుడు తెలుసుకుందాం…
ఇప్పట్లో లంకె బిందెలు వాడుకలో లేవు. కానీ ఒకప్పుడు ఇవి బాగా వాడుకలో ఉండేవి. రెండు రకాలైన లోహాలతో తయారైన ఈ లంకె బిందెల్లో విలువైన సంపదను దాచి పెట్టేవారు. అలా ఎంతో కాలం పాటు మట్టిలో ఎలాంటి గాలి సోకకుండా ఇవి ఉంటాయి. అందుకే వాటిని ఒక్కసారిగా ఓపెన్ చేయడం వల్ల పూర్తిగా దుర్వాసన వస్తుంది. అంతటి ఘాటైన వాసనలను ఒక్కసారిగా పీల్చడం వల్ల శ్వాస సంబంధిత సమస్యలొస్తాయని, అప్పుడు ఊపిరాడక ఆరోగ్య సమస్యలు తలెత్తి చనిపోయే ప్రమాదం ఉందని పెద్దలు చెబుతారు.మరికొందరు వ్యక్తులు ఉన్నట్టుండి ఒక్కసారిగా అంత భారీ సంపదను చూడటం వల్ల గుండెపోటు, బిపి వంటివి కూడా పెరిగిపోతాయి. అయితే ఇలాంటివి చాలా అరుదైన సందర్భాల్లో మాత్రమే జరుగుతుంది. అందుకే లంకె బిందెలు దొరకడం వల్ల దురదృష్టమని చాలా మంది భావిస్తారు. కానీ వాస్తవానికి లంకె బిందెలను తీయడం అరిష్టం కాదు.. వాటిని తీసేందుకు తగిన జాగ్రత్తలు పాటిస్తే చాలు. అంతులేని సంపద మీ సొంతమవుతుంది.

Also Read : ఈ సూత్రాలను ఫాలో..యువత ఈజీగా సక్సెస్ అవుతారు

ఎందుకంటే లంకె బిందెలను లోహాలతో తయారు చేస్తారు. అందులో ఉండే వజ్రాలు, వైడూర్యాలు, నాణేలు, బంగారాన్ని కూడా లోహాలతోనే తయారు చేస్తారు. ఇవి ఎక్కువ కాలం గాలి సోకకుండా గాలిలో ఉండటం వల్ల భూమి క్షయానికి గురవుతుంది. దీంతో దుర్వాసన వచ్చి విష వాయువులు విడుదలవుతాయి. దీంతో లంకె బిందెలను చూసిన వారు అనారోగ్యానికి గురవుతారు. అందుకే లంకె బిందెలు దొరికిన వారు తగిన జాగ్రత్తలు పాటించాలి. అప్పుడే మీకు కావాల్సిన సంపద మీ సొంతమవుతుంది.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.

for telugu news live alerts like, follow and subscribe TMedia on FacebookTwitterYouTube