ప్రజాస్వామిక వాదులు రాష్ట్రపతి ఎన్నికల కోసం ఏకం అవ్వాలి

బీజేపీ యేతర పార్టీలు ఉమ్మడి అభ్యర్థిని నిలబెట్టాలి

1
TMedia (Telugu News) :

 

 

ప్రజాస్వామిక వాదులు రాష్ట్రపతి ఎన్నికల కోసం ఏకం అవ్వాలి
-బీజేపీ యేతర పార్టీలు ఉమ్మడి అభ్యర్థిని నిలబెట్టాలి
– బిజెపి, ఆర్ఎస్ఎస్ కుట్రలు తిప్పికొట్టే సమయం ఆసన్నమైంది -సీఎల్పీనేత భట్టి విక్రమార్క
టి మీడియా,జూన్ 11 ఎర్రుపాలెం భారత రాజ్యాంగాన్ని, ప్రజాస్వామ్యాన్ని ప్రేమించే వాళ్ళు, ఆర్ఎస్ఎస్, బిజెపి భావజాలాన్ని వ్యతిరేకించే వాళ్ళు ఒక వేదికగా ఏర్పడిరాష్ట్రపతి ఎన్నికల్లో ఉమ్మడి అభ్యర్థిని నిలబెట్టి గెలిపించుకోవాల్సిన సమయం ఆసన్నమైందని సీఎల్పీ నేత భట్టి విక్రమార్క అభిప్రాయపడ్డారు.రాష్ట్రపతి ఎన్నికలతో దేశంలో లౌకిక వాదులు, ఆర్ఎస్ఎస్ వాదులు ఎవరో స్పష్టంగా తేలిపోతుందని వివరించారు.

 

Also Read : మృతుల కుటుంబాలను పరామర్శించిన ఈద

శుక్రవారం ఎర్రుపాలెం మండలం రాజుల దేవరపాడు గ్రామంలో ఏర్పాటు చేసిన మీడియా సమావేశంలో భట్టి విక్రమార్క మాట్లాడారు.భారత రాజ్యాంగాన్ని కాపాడటం కోసం దేశభక్తులు, రాజ్యాంగాన్ని ప్రేమించే వాళ్ళు, ప్రజాస్వామికవాదులు సెక్యులర్ కూటమిగా ఏర్పడాలన్నారు. ఆరెస్సెస్ భావజాలం, మతతత్వం, మనువాదం కావాలని కోరుకునేవారు బీజేపీ కూటమిలో ఉంటారన్నారు. దేశంలోని ఇప్పుడు ఉన్న అన్ని రాజకీయ పార్టీలు సెక్యులర్ వైపా?ఆర్ఎస్ఎస్, హిందుత్వ వైపా? ఎటువైపు ఉంటాయో తేల్చుకోవాల్సిన సమయం ఏర్పడిందన్నారు రు. భారత రాజ్యాంగాన్ని మార్చి ఆర్ఎస్ఎస్ భావజాలంతో కూడిన మనువాదాన్ని రాజ్యాంగంగా తీసుకురావడం కోసం బిజెపి చేస్తున్న కుట్రలను తిప్పి కొట్టడానికి ఇప్పుడు జరుగనున్న రాష్ట్రపతి ఎన్నికలను మంచి అవకాశంగా తీసుకొని బిజెపి యేతర సెక్యులర్, ప్రజాస్వామిక పార్టీలు భారత రాజ్యాంగాన్ని కాపాడాలనుకున్న ప్రతిపక్షాలు శక్తివంతమైన అభ్యర్థిని నిలబెట్టి ఈ ఎన్నికల్లో గెలిపించుకోవాల్సిన అవసరం ఉందన్నారు.

 

 

లౌకిక, ప్రజాస్వామిక రాజకీయ పార్టీలు ముందుకు రాకుంటే ప్రజాస్వామ్యానికి, భారత రాజ్యాంగానికి పెను ప్రమాదం పొంచి ఉందని ఆందోళన వ్యక్తం చేశారు. ఆర్ఎస్ఎస్ భావజాలానికి బిజెపి మతతత్వానికి వ్యతిరేకంగా ప్రజాస్వామిక పార్టీలు ఏకమై ప్రజాస్వామ్యాన్ని కాపాడుకోవాలని పిలుపునిచ్చారు. దేశంలో లౌకిక వాదాన్ని బలహీనపరిచి ఆరెస్సెస్ భావజాలాన్ని పెంపొందించాలన్న కుట్రలో భాగంగా కేంద్రంలోని బిజెపి ప్రభుత్వం కక్షపూరితంగా సెక్యులర్ పార్టీయైన కాంగ్రెస్ ను అనగా తొక్కుతుందని దుయ్యబట్టారు.

 

Also Read : నిఘా నీడలో కేబీఆర్‌ పార్క్‌ వాక్‌వే

ఇది దేశానికి, ప్రజాస్వామ్యానికి మంచిది కాదనే విషయాన్ని బీజేపీ ప్రభుత్వం గ్రహించాలని హితవు పలికారు. లౌకిక వాదానికి కట్టుబడి భారత రాజ్యాంగం, ప్రజాస్వామ్య పరిరక్షణకై కాంగ్రెస్ పార్టీ సైతం రాష్ట్రపతి ఎన్నికలను అవకాశంగా తీసుకొని బిజెపికి బుద్ధి బుద్ధి చెబుతుందని అన్నారు. ఈ విలేకర్ల సమావేశంలో కాంగ్రెస్ పార్టీ మండల అధ్యక్షుడు వేమిరెడ్డి సుధాకర్ రెడ్డి, నర్సిరెడ్డి, నాగిరెడ్డి, బోసు, భాష తదితరులు ఉన్నారు.

for telugu news live alerts like, follow and subscribe TMedia on FacebookTwitterYouTube