అరచేతిలో రాజ యోగాన్ని గుర్తించడమెలా..
టీ మీడియా, ఫిబ్రవరి 23, ఆధ్యాత్మికం : జ్యోతిష్యశాస్త్రం మాదిరిగానే హస్త సాముద్రిక శాస్త్రానికి ఎంతో ప్రాముఖ్యత ఉంది. ఈ శాస్త్రం ప్రకారం, అరచేతిలో ఉండే గీతలను బట్టి మనకు రాజయోగం ఉందో లేదో తెలుసుకోవచ్చు. ఎవరికైతే రాజ యోగం గీతలుంటాయో వారు ఎంత పేదరికంలో పుట్టినప్పటికీ, వారు కచ్చితంగా ధనవంతులవుతారు. అంతేకాదు అలాంటి వ్యక్తులందరూ తమ వ్యక్తిగత జీవితంలో ఎంతో ఆనందంగా జీవిస్తారు. సమాజంలో, కుటుంబంలోనూ పూర్తి గౌరవాన్ని పొందుతారు. ఈ సందర్భంగా అరచేతిలో ఈ గీతలను ఎలా గుర్తించాలి.. వాటి అర్ధాలేంటి.. అర చేతిలో ఏర్పడే రాజ యోగం, గజ లక్ష్మీ యోగం, అమల యోగం, శుభ యోగం వంటి విశేషాల గురించి పూర్తిగా తెలుసుకుందాం…
అరచేతిలో గజలక్ష్మీ యోగం..
మీ అరచేతిలో మణి కట్టు నుంచి ప్రారంభమయ్యే గీత శని గ్రహం దగ్గరికి వెళ్లినప్పుడు, అదే సమయంలో సూర్యుని పర్వతం కూడా పెరుగుతుంది. దీంతో సూర్యరేఖ కూడా లోతుగా, ఎర్రగా ఉంటుంది. ఈ సమయంలో ఆరోగ్య, వయసు రేఖలు బలంగా ఉంటాయి. ఇలాంటి సమయంలో గజలక్ష్మీ యోగం ఏర్పడుతుంది. ఎవరి అర చేతిలో అయితే ఈ యోగం ఉంటుందో వారికి లక్ష్మీదేవి అనుగ్రహం లభిస్తుంది. రెండు అర చేతుల్లోనూ ఇలాంటి రేఖలుంటే వారు మరిన్ని అద్భుతమైన ప్రయోజనాలు పొందుతారు. వీరు పేద కుటుంబంలో పుట్టినా, తర్వాతి కాలంలో ధనవంతులుగా ఎదుగుతారు. వీరి ప్రవర్తన బ్యాలెన్స్ గా ఉంటుంది. వీరు సద్గుణాలు, అంకితభావంతో జీవితంలో ఎంతో పురోగతిని సాధిస్తారు.
Also Read : భారీగా గంజాయి పట్టివేత
అర చేతిలో శుభ యోగం..
మీ అర చేతిలో శని పర్వతం పెరిగిన తర్వాత మణికట్టు లేదా చంద్రుని పర్వతం నుంచి వెలువడే స్పష్టమైన రేఖ ఇక్కడ ఆగిపోతుంది. ఈ సమయంలో శుభ యోగం ఏర్పడుతుంది. ఎవరి చేతిలో శుభ యోగం ఏర్పడుతుందో వారికి చాలా రంగాల్లో విజయం లభిస్తుంది. వీరు మాట్లాడే కళల్లో ప్రావీణ్యం సంపాదిస్తారు. సేల్స్ మార్కెటింగ్, వక్త, నాయకుని లక్షణాలు ఎక్కువగా ఉంటాయి. వీరు సమాజంలో తమకంటూ బలమైన స్థానాన్ని ఏర్పరచుకోగలుగుతారు. వీరికి సమాజంలో గౌరవం, కీర్తి, కోరుకున్న సంపద లభిస్తుంది.
అర చేతిలో ఉసిరి యోగం..
అర చేతిలో సూర్యుడు, చంద్రుడు, శుక్రుడి ప్రభావంతో ఉసిరి యోగం ఏర్పడుతుంది. అరచేతిలో సూర్యుడు, చంద్రుడు, శుక్రుడి పర్వతాలు ఎత్తుగా ఉండి, చంద్రుని పర్వతం మీద నుంచి బుధ పర్వతం వరకు ఒక రేఖ వెళ్లిన సమయంలో ఉసిరి యోగం ప్రారంభమవుతుంది. ఈ యోగం ప్రభావంతో తెలివితేటలు పెరుగుతాయి. వీరు త్వరగా ధనవంతులవుతారు. ఈ రాజ యోగం ఉండటం వల్ల వ్యక్తికి సమాజంలో గౌరవం, ప్రతిష్ట లభిస్తాయి. పనికి సంబంధించి విదేశాలకు వెళ్లే అవకాశం కూడా లభిస్తుంది. అరచేతిలో ఈ గీతలుండే వారు భౌతిక ఆనందాలను పొందుతారు. అంతేకాదు వీరు చాలా రొమాంటిక్ గా కూడా గడుపుతారు. వీరి ప్రేమ జీవితం కూడా బలంగా ఉంటుంది.
Also Read : తమిళనాడు మాజీ సీఎం కు సుప్రీంకోర్టు షాక్‌..
ఇంద్ర, మరుత్ రాజ యోగాలు..
ఎవరి అర చేతిలో అయితే శుక్రుని పర్వతం ఎత్తుగా ఉండి, గురు పర్వతం దగ్గర శిలువ గుర్తు ఏర్పడుతుందో.. అదే విధంగా చంద్రుని పర్వతం అభివృద్ధ చెంది దానిపై స్పష్టమైన రేఖ ఉన్న సమయంలో మరుత్ అనే శుభ యోగం ఏర్పడుతుంది. ఈ రాజయోగం ఉన్న వ్యక్తులు ఎలాంటి నిర్ణయాలనైనా అద్భుతంగా తీసుకుంటారు. వ్యాపారంలో బాగా రాణించి విజయం సాధిస్తారు. వీరికి సంపదకు, వైభవానికి ఎలాంటి లోటు ఉండదు. ఈ రకమైన అరచేయి ఉన్న వ్యక్తులు దానంలో కూడా ముందుంటారు. వీరు ఉదార స్వభావం, అందరి పట్ల దయతో ఉంటారు.
