విద్యుత్ వినియోగదారులకు షాక్

పెరగనున్న కరెంట్ బిల్లు

1
TMedia (Telugu News) :

విద్యుత్ వినియోగదారులకు షాక్

-పెరగనున్న కరెంట్ బిల్లు

-ఎఫ్‌సీఏ ఛార్జీలు వసూలు చేయాలని నిర్ణయం

టీ మీడియా, డిసెంబర్ 5,హైదరాబాద్‌ : విద్యుత్ వినియోగదారులపై మరింత భారం వేసేందుకు డిస్కంలు సిద్దమయ్యాయి. ఛార్జీలను పెంచకుండా ఇంధన ధర సర్దుబాటు ఛార్జీ(ని కరెంట్ బిల్లులో అదనంగా వసూలు చేయాలని నిర్ణయం తీసుకున్నాయి. వచ్చే ఏడాది ఏప్రిల్ నుంచి కరెంట్ బిల్లులలో ఈ ఛార్జీలను కలపాలని నిర్ణయించాయి. యూనిట్‌పై 30 పైసలు ఎఫ్‌సీఏ వసూలు చేయాలని భావిస్తున్నాయి. ఇంధన, బొగ్గు ధరల ఆధారంగా యూనిట్‌పై 30 పైసలు వసూలు చేయనున్నట్లు డ్రాఫ్ట్‌ ఫైల్‌లో డిస్కంలు పేర్కొన్నాయి.ఎఫ్‌సీఏ ఛార్జీల రూపంలో విద్యుత్ వినియోగదారుల నుంచి రూ.22,000 కోట్ల వసూలు చేయాలని డిస్కంలు ప్రతిపాదించాయి. డిస్కంల ప్రతిపాదనలకు తెలంగాణ రాష్ట్ర విద్యుత్ నియంత్రణ కమిషన్కూడా ఆమోదం తెలిపింది.

Also Read : అజిత్ డోవల్’ రహస్య పర్యటన

ఎఫ్‌సీఏ కోసం ప్రత్యేక అకౌంట్ మెయింటెన్ చేయాలని సూచించింది. నెలవారీగా ఖాతా వివరాలను సమర్పించాలని డిస్కంలకు ఆదేశించింది. డిస్కంల ప్రతిపాదనకు ఆమోదం తెలపగా.. ప్రభుత్వం కూడా ఆమోదించలేదు.విద్యుత్ సంస్థలు అప్పుల భారంతో కట్టుమిట్టాడుతుండటంతో.. ప్రభుత్వం కూడా టీఎస్‌ఈర్సీసీ ప్రతిపాదనలకు ఆమోదం తెలిపే అవకాశం ఉందని తెలుస్తోంది. అప్పుల భారం నుంచి తమను బయటపడేసేందుకు సబ్సిడీలు ఇవ్వాలని డిస్కంలు ప్రభుత్వాన్ని ఎప్పటినుంచో కోరుతున్నాయి. ఇప్పటికే అన్ని డిస్కంలు నష్టాల ఊబిలో కొట్టుమిట్టాడుతున్నాయి. ప్రభుత్వ సాయం కోసం ఎదురుచూస్తున్నాయి. దీంతో కరెంట్ బిల్లులో ఎఫ్‌సీఏ ఛార్జీ వసూలు చేసేందుకు ప్రభుత్వం అంగీకారం తెలిపే అవకాశాలు కనిపిస్తున్నాయి.ఎన్నికలు సమీపిస్తున్న వేళ విద్యుత్ ఛార్జీల పెంపుకు ప్రభుత్వం ఆమోదం తెలిపే అవకాశం లేకపోవడం, ఈ ఏడాది మార్చిలో ఇప్పటికే ఛార్జీలను పెంచడంతో వచ్చే ఆర్థిక సంవత్సరంలో ఛార్జీలను పెంచకూడదని డిస్కంలు ఇప్పటికే నిర్ణయం తీసుకున్నాయి. దీంతో వచ్చే ఆర్ధిక సంవత్సరానికి సంబంధించి విద్యుత్ ఛార్జీల టారిఫ్‌లలో ఎలాంటి మార్పులు చేయకుండా ఎఫ్‌సీఏ ఛార్జీల రూపంలో వసూలు చేయనున్నాయి. దీని వల్ల ఏప్రిల్ నుంచి కరెంట్ బిల్లు పెరిగే అవకాశముంది.

ఈ ఏడాది మార్చిలో డొమెస్టిక్ కస్టమర్లకు యూనిట్‌పై 50 పైసలు, నాన్ డొమెస్టిక్ కస్టమర్లకు యూనిట్‌పై రూ.1 పెంచుతూ తెలంగాణ సర్కార్ నిర్ణయం తీసుకుంది. ఈ సారి ఎన్నికలు ఉండటంతో పెంపుకు డిస్కంలు ఆసక్తి చూపలేదు. దీంతో విద్యుత్ వినియోగదారులకు కాస్త ఊరట కలిగిందని అనుకున్న సమయంలో.. ఇప్పుడు ఎఫ్‌సీఏ ఛార్జీల రూపంలో అదనపు వడ్డనకు డిస్కంలు రెడీ అయ్యాయి. వచ్చే ఆర్థిక సంవత్సరం నుంచి ఛార్జీలను నెలవారీ బిల్లులో వసూలు చేయనున్నారు.

for telugu news live alerts like, follow and subscribe TMedia on FacebookTwitterYouTube