నారా లోకేష్ ని అరెస్ట్ చేస్తాం..అనుమ‌తివ్వండి

- రెడ్ బుక్ పేరుతో బెదిరింపులు

0
TMedia (Telugu News) :

నారా లోకేష్ ని అరెస్ట్ చేస్తాం..అనుమ‌తివ్వండి

– రెడ్ బుక్ పేరుతో బెదిరింపులు

టీ మీడియా, డిసెంబర్ 22, విజయవాడ : టీడీపీ జాతీయ కార్యదర్శి నారా లోకేశ్ ను అరెస్ట్ చేసేందుకు తమకు అనుమతిని ఇవ్వాలని కోరుతూ విజయవాడ ఏసీబీ కోర్టులో సీఐడీ పిటిషన్ దాఖలు చేసింది. రెడ్ బుక్ లో మీ పేర్లు రాశానని చెపుతూ పోలీసు విచారణ అధికారులను లోకేశ్ బెదిరిస్తున్నారని పిటషన్ లో పేర్కొంది. టీడీపీ అధికారంలోకి వచ్చిన తర్వాత చంద్రబాబు కేసుల్లో ఉన్న దర్యాప్తు అధికారులను ఉద్యోగాల నుంచి తొలగిస్తామని, జైలుకు పంపిస్తామని బెదిరిస్తున్నారని సీఐడీ తరపు లాయర్ కోర్టుకు చెప్పారు. దీనికి సంబంధించిన సాక్ష్యాలు ఉన్నాయా? అని సీఐడీ లాయర్ ను కోర్టు ప్రశ్నించింది. దీంతో, పేపర్ కటింగ్ లను కోర్టుకు ఆయన చూపించారు.

Also Read : భారతదేశ గర్వించదగ్గ గణిత శాస్త్రవేత్త మన రామాంజన్

ఐఆర్ఆర్ కేసులో 41ఏ కింద లోకేశ్ కు నోటీసులు ఇచ్చి విచారిస్తున్నామని… అయితే, కోర్టు నిబంధనలను ఉల్లంఘించినందుకు లోకేశ్ ను అరెస్ట్ చేసేందుకు అనుమతిని ఇవ్వాలని కోరారు. రెడ్ బుక్ పేరుతో చేస్తున్న హెచ్చరికలను సీరియస్ గా తీసుకోవాలని విన్నవించారు. ఈ పిటిష‌న్ ను ఎసిబి కోర్టు విచార‌ణ‌కు స్వీక‌రించింది..

for telugu news live alerts like, follow and subscribe TMedia on FacebookTwitterYouTube