Telangana

Former Khanapur MLA ED raids at Rekha Naik's residence

Former Khanapur MLA ED raids at Rekha Naik's residence

By ·

Share this article
Former Khanapur MLA    ED raids at Rekha Naik's residence

 

 

ఖానాపూర్ మాజీ ఎమ్మెల్యే                                                             

 

రేఖానాయక్ నివాసంలో ఈడీ సోదాలు


 

 టి మీడియా , నవంబర్ 20 , నిర్మల్ : నిర్మల్ జిల్లా ఖానాపూర్ మాజీ ఎమ్మెల్యే అజ్మీరా రేఖానాయక్ నివాసంలో ఎన్‌ఫోర్స్‌మెంట్ డైరెక్టరేట్ (ఈడీ) అధికారులు శుక్రవారం ఉదయం సోదాలు నిర్వహించారు. ఒకేసారి రెండు ప్రాంతాల్లో అధికారులు తనిఖీలు చేపట్టినట్లు సమాచారం. ప్రభుత్వ ధాన్యం కొనుగోళ్లు, కస్టమ్ మిల్లింగ్ బియ్యం (సీఎంఆర్‌) సరఫరాలో జరిగినట్లు ఆరోపణలు ఎదుర్కొంటున్న అవకతవకలపై ఈ సోదాలు చేపట్టినట్లు తెలుస్తోంది.

రూ.40.96 కోట్ల ధాన్యం కొరతపై దర్యాప్తు
ఖానాపూర్ మండలం సత్తెనపల్లిలో రేఖానాయక్‌కు చెందిన ఏఆర్ఎస్ ఇండస్ట్రీస్ రైస్ మిల్లులో ప్రభుత్వానికి కేటాయించిన ధాన్యం భారీగా లెక్కల్లో లేకుండా పోయినట్లు గతంలో పౌరసరఫరాల శాఖ అధికారులు గుర్తించారు. 2022-23, 2023-24, 2024-25 రబీ సీజన్లకు సంబంధించి మొత్తం 9,639.962 మెట్రిక్ టన్నుల ధాన్యం కొరత ఉన్నట్లు నిర్ధారించారు. దీని విలువ సుమారు రూ.40.96 కోట్లుగా అంచనా వేశారు.

ప్రభుత్వానికి అందించాల్సిన కస్టమ్ మిల్లింగ్ బియ్యం సరఫరాలోనూ బకాయిలు ఉన్నట్లు అధికారులు గుర్తించారు. ఈ వ్యవహారంపై పౌరసరఫరాల శాఖ అధికారుల ఫిర్యాదుతో గతంలోనే రేఖానాయక్‌పై కేసు నమోదైంది. తాజాగా ఈడీ అధికారులు ఆర్థిక లావాదేవీలు, నిధుల మళ్లింపు ఆరోపణలకు సంబంధించిన కోణంలో దర్యాప్తు చేస్తున్నట్లు వార్తా కథనాలు వెల్లడించాయి. 

రాజకీయ వర్గాల్లో చర్చ
రేఖానాయక్ 2014 నుంచి వరుసగా రెండుసార్లు ఖానాపూర్ నియోజకవర్గం నుంచి బీఆర్ఎస్ తరఫున ఎమ్మెల్యేగా ప్రాతినిధ్యం వహించారు. 2023 ఎన్నికలకు ముందు కాంగ్రెస్‌లో చేరారు. ఆమె భర్త శ్యామ్‌నాయక్ కూడా గతంలో ప్రభుత్వ ఉద్యోగానికి రాజీనామా చేసి రాజకీయాల్లోకి వచ్చారు.

తాజా ఈడీ సోదాలతో ఖానాపూర్ ప్రాంతంలో రాజకీయంగా చర్చ మొదలైంది. అయితే సోదాల్లో ఏయే పత్రాలు, ఆధారాలు లభించాయి? తదుపరి చర్యలు ఏమిటి? అనే అంశాలపై అధికారిక ప్రకటన వెలువడాల్సి ఉంది. దర్యాప్తు పూర్తయ్యే వరకు ఆరోపణలను నిర్ధారిత నేరాలుగా పరిగణించలేం.

Tags: