మాజీ సర్పంచ్ సామినేని రామారావు హత్య కేసు - నలుగురు నిందితుల అరెస్ట్
ఖమ్మం: జిల్లా, చింతకాని మండలం, పాతర్లపాడు గ్రామానికి చెందిన మాజీ సర్పంచ్ రామారావు, వయస్సు 72 సంవత్సరాలు, 31.10.2025 తేదీన తెల్లవారుజామున తన ఇంటి పక్కన ఉన్న కోళ్ల షెడ్డులో హత్యకు గురయ్యారు. ఈ ఘటనపై చింతకాని పోలీస్ స్టేషన్‌లో Cr. No. 324/2025, భారతీయ న్యాయ సంహిత (BNS) సెక్షన్ 103(1) మరియు సెక్షన్ 190 కింద కేసు నమోదు చేసి దర్యాప్తు చేపట్టారు.
దర్యాప్తులో భాగంగా క్లూస్ టీమ్ మరియు ఫోరెన్సిక్ సైన్స్ బృందం సహాయంతో సంఘటనా స్థలాన్ని పరిశీలించారు. నిందితులకు సంబంధించిన ఆధారాలను సేకరించేందుకు అనుమానాస్పద వ్యక్తులను విచారించారు. చెప్పులు మరియు ఇతర వస్తువులు, ఎర్రపు రంగు వస్త్రపు ముక్క, తెల్లపు రంగు నైలాన్ తాడు ఉన్న వస్తువులు మొదలైన వాటిని స్వాధీనం చేసుకున్నారు. మృతుడికి సంబంధించిన గ్రామాలు, సంఘటన స్థల పరిసర ప్రాంతాలు మరియు సాక్షుల వాంగ్మూలాలను కూడా పరిశీలించారు.
సాంకేతిక ఆధారాల విశ్లేషణ
నిందితులను గుర్తించేందుకు పోలీసులు విస్తృత స్థాయిలో సాంకేతిక దర్యాప్తు చేపట్టారు. దర్యాప్తులో భాగంగా, పలు అనుమానితులను, సాక్షులను మరియు వివరాలు తెలిసిన వ్యక్తులను విచారించారు. మొత్తం 24 మంది వ్యక్తులకు సంబంధించిన వివరాలను పరిశీలించి, ఖమ్మం పోలీస్ అధికారులు ఆధారాలను సేకరించారు.
దర్యాప్తును మరింత బలోపేతం చేసేందుకు గుజరాత్ రాష్ట్రం, గాంధీనగర్‌లోని నేషనల్ ఫోరెన్సిక్ సైన్స్ యూనివర్సిటీ (NFSU) నిపుణుల సహాయం కోరారు. వారి సహకారంతో లభించిన సాంకేతిక ఆధారాలను పరిశీలించి, నిందితులను గుర్తించారు.
అరెస్టు చేసిన నిందితుల వివరాలు
A-1) వడదెబ్బ శ్రీనివాసరావు @ మంటల్ కృష్ణ, తండ్రి: పుల్లయ్య (లేట్), వయస్సు: 34 సంవత్సరాలు, కులం: గౌడ్, వృత్తి: మేస్త్రీ పని, నివాసం: మాలముత్యాలమ్మ సెంటర్, తెల్లారుపల్లి గ్రామం, ఖమ్మం రూరల్ మండలం.
A-2) సూకల లింగయ్య, తండ్రి: సైదులు (లేట్), వయస్సు: 43 సంవత్సరాలు, కులం: యాదవ, వృత్తి: వ్యవసాయం, నివాసం: చావడి సెంటర్, తెల్లారుపల్లి గ్రామం, ఖమ్మం రూరల్ మండలం.
A-3) మల్లారపు లక్ష్మయ్య, తండ్రి: రామయ్య (లేట్), వయస్సు: 24 సంవత్సరాలు, కులం: గౌడ్, వృత్తి: పెయింటర్ పని, నివాసం: తెల్లారుపల్లి గ్రామం, ఖమ్మం రూరల్ మండలం.
A-4) కారుపూడి ఉడయ్ కుమార్ @ యాకూబ్ కుమార్, తండ్రి: ఆదినారాయణ, వయస్సు: 39 సంవత్సరాలు, కులం: మాల, వృత్తి: పెయింటింగ్ పని, నివాసం: తెల్లారుపల్లి గ్రామం, ఖమ్మం రూరల్ మండలం.
నిందితుల వద్ద నుంచి స్వాధీనం చేసుకున్న వస్తువులు
-
నేరానికి ఉపయోగించినట్లు భావిస్తున్న రెండు కత్తులు.
-
నిందితులు రెక్కీ నిర్వహించే సమయంలో ఉపయోగించినట్లు భావిస్తున్న వాహనాలు, ఇతర వస్తువులను పరిశీలించారు.
దర్యాప్తులో పాల్గొన్న అధికారులు
-
నేరానికి ఉపయోగించిన ఆధారాలను సేకరించిన అధికారులు.
-
నిందితులను గుర్తించేందుకు సాంకేతిక దర్యాప్తులో పాల్గొన్న అధికారులు.
దర్యాప్తులో పాల్గొన్న పోలీస్ అధికారులు
-
శ్రీ ఎస్. సారంగపాణి, ACP, వైరా – దర్యాప్తు పర్యవేక్షణ అధికారి.
-
శ్రీ వై. వెంకట ప్రసాద్, సర్కిల్ ఇన్‌స్పెక్టర్ ఆఫ్ పోలీస్, వైరా – దర్యాప్తు అధికారి.
-
శ్రీ వీరేందర్ మరియు శ్రీ జి. నరేష్, సబ్ ఇన్‌స్పెక్టర్లు ఆఫ్ పోలీస్ – సహాయ దర్యాప్తు అధికారులు.
దర్యాప్తులో విశేష ప్రతిభ కనబరిచిన వైరా ACP శ్రీ ఎస్. సారంగపాణి, వైరా CI శ్రీ వై. వెంకట ప్రసాద్ మరియు బృందంలోని ఇతర అధికారులను ఖమ్మం పోలీస్ కమిషనర్ శ్రీ సునీల్ దత్ గారు అభినందించి, వారికి రివార్డులు అందజేశారు.
